Алматы облысының 3 әкімшілік аумағында карантин режимі жеңілдетілмейді

Алматы облысының Кеген, Талғар аудандары мен Талдықорған қаласында карантиндік режим жеңілдетілмейді, деп хабарлайды «Хабар 24». Яғни, базарлар мен мешіттер ашылмайды. Қоғамдық тамақтану орындары мен автовокзал да жұмыс істемейді.

⠀⠀⠀

Өңірде коронавирус жұқтырғандар санының көбеюіне байланысты осындай шешім қабылданды. Қазір мұндағы сырқаттар саны 212-ге жетті. Соның 135-і жазылып шықса, қалғаны әлі ем қабылдап жатыр. «Тек біреуінің жағдайы нашарлау,  басқасының денсаулығы қалыпты», – дейді дәіргерлер. Індеттің өршуіне байланысты облыс орталығындағы 8 нысан карантинге жабылды. Оның екеуі полиция басқармасына тиесілі.

⠀⠀⠀

Ермек Әсемқұлов, қалалық қоғамдық денсаулық сақтау басқармасының басшысы:

– Талдықорған қаласы бойынша 13 науқас тіркелді. Ол 33 пайыз көрсетіп жатыр. Өсу көрсеткіші. 181 адам анықталып, анализдері алынды. Анализ нәтижелері теріс. 14 күннен кейін қайта анализ тапсырады.

Ақпарат көзі: https://24.kz/kz/zha-aly-tar/o-am/item/396674-almaty-oblysyny-3-kimshilik-auma-ynda-karantin-rezhimi-zhe-ildetilmejdi