Жаңалықтар
72 МИЛЛИОН ЖҰМЫРТҚА ӨНДІРІЛМЕК
2023 ж. 29 наурыз · 1703 қаралым
Төлеби ауданына жұмыс сапары барысында Түркістан облысы әкімінің орынбасары Ермек Кенжеханұлы қазірдің өзінде жүзеге асырылып жатқан инвестициялық жобалармен танысты, деп хабарлайды World of NAN.
Әкімнің орынбасары Зертас ауылдық округінде салынып жатқан «АйМар Құс» ЖШС құс фабрикасында болды. Бұл өңірдегі ең ірі инвестициялық жобалардың бірі.
Облыс әкімдігінің баспасөз қызметінің хабарлауынша, жоба сәтті жүзеге асса, мұнда 72 миллион дана жұмыртқа өндіріліп, 75 жергілікті тұрғын тұрақты жұмыспен қамтылады. Құс басын 220 мыңнан 660 мың басқа дейін арттыруды көздейтін инвестициялық жоба өңірдегі құс шаруашылығын дамытуға септігін тигізеді.